Баянзүрх дүүргийн II хорооны иргэн Д.Доржсүрэн: ЧУЛУУН НҮҮРСЭЭ ХУУРАЙ АРГААР НЭРЖ БОЛОВСРУУЛААД, МЕГА ТӨСЛҮҮДИЙН САНХҮҮЖИЛТЭД АШИГЛААСАЙ

Найрамдлын район нэртэйгээр 1965 онд байгуулагдаж байсан Баянзүрх өдгөө 43 хороо, 500 орчим мянган хүн амтай нийслэлийн хамгийн том дүүрэг. Монгол Улсын Засгийн газраас “Улаанбаатар хот 2040” хөгжлийн ерөнхий төлөвлөгөөг иргэд, олон нийтэд таниулах, мэдээ мэдээллээр хангахад анхаарч буй.

Энэхүү бодлогын хүрээнд Нийслэлийн иргэдийн Төлөөлөгчдийн хурлын төлөөлөгчид тойрогтоо ажиллаж, сонгогчдынхоо санал асуултад хариулт өгч байгаа юм. Багахангай, Налайх, Багануураас эхэлсэн энэхүү танилцуулга, арга хэмжээ өнөөдөр Баянзүрх дүүргийн иргэдийн уулзалтаар үргэлжиллээ.