УИХ-ын ес дэх удаагийн сонгуулийн санал хураалт өнөөдөр /2024.06.28/ 07:00 цагаас эхэлж, амжилттай үргэлжилж байна. News.mn сайт төрийн гурван өндөрлөгийн санал өгөх явцыг шууд дамжуулж байгаа юм Одоо 11:45 цаг Ерөнхий сайд Л.Оюун-Эрдэнэ Баянзүрх дүүргийн 8-1-36-4 дүгээр хэсгийн санал өгөх байранд саналаа өгөхөөр дугаарлаж байна.

Улсын хэмжээнд нийт 2198 санал авах байр ажиллаж байгаа бөгөөд нийт 2.224.233 сонгогч санал өгөхөөр бүртгэгдсэн. Сонгуулийн ерөнхий хорооноос өгсөн 11:00 цагийн мэдээлээр улсын хэмжээнд ирц 20 гаруй хувьтай байгаа юм. Одоогоор сонгуулийн санал хураахтай холбоотой сервер гацсан, сүлжээ унасан зэрэг гомдол мэдээлэл ирээгүй гэдгийг СЕХ-ноос мэдээллээ.