БАЯНГОЛ ДҮҮРГИЙН НУТАГ ДЭВСГЭРТ ЭНЭ ОНД НИЙТИЙН ЭЗЭМШЛИЙН 4860МКВ ТАЛБАЙГ ЧӨЛӨӨЛНӨ
Бямбажаргал
Үйл явдал
/
2 цаг 2 мин
Жиргэх
Баянгол дүүргийн Удирдах ажилтны Шуурхай зөвлөгөөн өнөөдөр болж, дүүргийн Засаг дарга Ө.Сумъяабаатар удирдан явууллаа.
✅Шуурхай зөвлөгөөний эхэнд өнгөрсөн шуурхайгаас өсөн үүрэг даалгаврын биелэлт, худалдан авах ажиллагааны явц, энэ онд дүүрэгт хийгдэх хөрөнгө оруулалтын ажлын болон дүүргийн нутаг дэвсгэрт газар чөлөөлөх ажлын төлөвлөгөө зэрэг цаг үеийн асуудлаар мэдээлэл сонслоо.
ЭНЭ ОНД НИЙТ 37 БАЙРШИЛД 1380 МЕТР ХАШАА ХАЙС БУУЛГАЖ, ОРЦ ГАРЦ ЧӨЛӨӨЛНӨ
✅Баянгол дүүргийн Газар зохион байгуулалтын албаны дарга Д.Энхтөрийн өгсөн мэдээллээр энэ онд дүүргийн Газар зохион байгуулалтын төлөвлөгөөнд:
📍9 байршилд барилга байгууламжийн газрыг чөлөөлөх,
📍10 байршилд авто зам, замын байгууламжийн газрыг чөлөөлөх
📍25 байршилд нийтийн эзэмшлийн талбайд барьсан 276 гараашийг буулгаж, 4860мкв талбай чөлөөлөх,
📍37 байршилд 1380 метр хашаа хайс буулгаж, орц гарц чөлөөлөх,
📍5 байршилд дахин байршуулсан ТҮЦ-ийг нүүлгэн газрын зөрчил арилгахаар тусгасан байна.
ДҮҮРЭГТ ХЭРЭГЖИХ ТӨСӨЛ АРГА ХЭМЖЭЭНИЙ ГҮЙЦЭТГЭГЧИЙН СОНГОН ШАЛГАРУУЛАЛТЫГ 4 САРЫН 30-НЫ ӨДӨР ГЭХЭД ЗОХИОН БАЙГУУЛЖ ДУУСГАНА
✅Мөн өнгөрсөн шуурхай хурлын үеэр хөрөнгө оруулалтын ажлын зураг төсөв, ажлын даалгавар, техникийн төсөл арга хэмжээг эрчимжүүлэх үүрэг өгсөн. Тэгвэл энэ онд ДТХО-аар 35 төсөл арга хэмжээ хэрэгжихээс 10 ажил нь зарлагдсан бол 19 төсөл арга хэмжээний батлагдсан зураг төсөв, ажлын даалгавар ирээгүй, 4 ажилд тендерийн үнэлгээ хийж байгаа. Удааширч буй ажлуудын хувьд холбогдох яам болон Нийслэлийн Замын хөгжлийн газар мөн Барилгын хөгжлийн төвөөс магадлалын дүгнэлт хараахан ирээгүй байна гэсэн мэдээллийг өглөө.
Иймд дүүргийн Засаг дарга Нийслэлийн Удирдах ажилтны шуурхай зөвлөгөөнөөс өгсөн үүрэг даалгавар болон Засгийн газрын хуралдаанаас гарсан тэмдэглэлийг танилцуулж, энэ 7 хоногтоо багтаан үлдсэн ажлын зураг төсвийг гаргаж, худалдан авах ажлыг зарлах, төсөл арга хэмжээний гүйцэтгэгчийн сонгон шалгаруулалтыг 4 сарын 30-ны өдөр гэхэд зохион байгуулж дуусгахыг үүрэг болголоо.
ТӨГСӨХ АНГИЙН СУРАГЧДАД ЗОРИУЛСАН” БАЯНГОЛ БОЛОВСРОЛ-2026 ЭКСПО”-Г 3 ДАХЬ УДААГАА ЗОХИОН БАЙГУУЛНА
✅Дүүргийн Боловсролын хэлтсийн дарга Б.Наранбаатар цаг үеийн асуудлаар буюу 3, 4-р сард зохион байгуулах арга хэмжээний талаар мэдээлэл өглөө. Тухайлбал,
📍“Баянгол боловсрол” хөтөлбөрийн хүрээнд дүүргийн ЕБС-ийн төгсөх ангийн сурагчдын дунд “Баянгол сорилго-2026” үйл ажиллагааг зохион байгуулдаг уламжлалтай. Энэ удаагийн арга хэмжээ 04-р сарын 01-02-ны өдрүүдэд болох бөгөөд төрийн өмчийн 20, төрийн бус өмчийн 22 нийт 42 сургуулийн 3778 суралцагч 10 судлагдахуунаар давхардсан тоогоор 10076 шалгалт өгнө. Ингэснээр элсэлтийн шалгалтын зохион байгуулалт, жишиг даалгавартай танилцах, сурлагын амжилтын бодит үр дүнгээ тогтоох, цаашид анхаарах асуудлаа тодорхойлж, элсэлтийн шалгалтад системтэйгээр бэлтгэн, амжилт гаргах боломжтой болох юм. Сорилго 4 ээлжээр зохион байгуулагдана.
📍Дүүргийн Засаг даргын үйл ажиллагааны хөтөлбөрт тусгасан “Баянгол Боловсрол” хөтөлбөрийн хүрээнд "БАЯНГОЛ БОЛОВСРОЛ EXPO” үзэсгэлэнг дүүргийн ЗДТГ, Боловсролын хэлтэс бусад байгууллагуудтай хамтран 3 дахь удаагаа зохион байгуулах гэж байна. Энэ удаагийн арга хэмжээ ирэх 4-р сарын 4-ний өдөр МҮЭСТО-нд болох бөгөөд Монгол Филиппин улсын хамгийн том боловсролын өдөрлөг, ЮНЕСКО-гийн "Дэлхийн суралцагч хотуудын сүлжээ"-ний гишүүн тогтвортой хөгжлийг дэмжигч суралцагч хот баянгол иргэд, суралцагчдынхаа насан туршийн боловсролыг дэмжиж хамтран ажилладаг BTG Academy хамтран оролцоно гэдгээрээ онцлог юм.
📍Түүнчлэн дүүргийн төрийн өмчийн сургууль, цэцэрлэгүүдийн дунд “Баянгол хавар-2026” хүүхдийн урлагийн их наадмын 1-р шалгаруулалт зохион байгуулагдаж буй бөгөөд 1, 2 -р шатанд шалгарсан сургууль, цэцэрлэгийн оролцогчид 04-р сарын 04-ний өдөр МҮЭСТО-нд болох “Гала тоглолт”-д оролцоно.
✅Мөн дүүргийн БТСХ-ноос дүүргийн Засаг даргын гаргасан захирамжийн хүрээнд “Эртэч Баянгол” арга хэмжээг зохион байгуулж буй бөгөөд дүүргийн ЗДТГ, 1-34 хороо, харьяа болон дэргэдэх газрууд оролцож байгаа юм.
Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (216.73.216.151)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

БАЯНГОЛ ДҮҮРГИЙН НУТАГ ДЭВСГЭРТ ЭНЭ ОНД НИЙТИЙН ЭЗЭМШЛИЙН 4860МКВ ТАЛБАЙГ ЧӨЛӨӨЛНӨ

2 цаг 2 мин

НИТХ-ЫН ДАРГА А.БАЯР ХБНГУ-ЫН ЭМНЭЛГИЙН ЭРҮҮЛ АХУЙН НИЙГЭМЛЭГ (DGKH)-ИЙН ДЭД ЕРӨНХИЙЛӨГЧИЙГ ХҮЛЭЭН АВЧ УУЛЗЛАА

2 цаг 5 мин

Бие даалтын 7 хоногийг "Аюулгүй амьдрах ухаан" хөтөлбөрийн хүрээнд зохион байгуулна

2 цаг 15 мин