Говьсүмбэр аймгийн иргэдэд түүх, соёлын үл хөдлөх дурсгалын талаарх мэдлэг ойлголтыг нэмэгдүүлэх, археологийн судалгааны ач холбогдол, шинжлэх ухааны үнэ цэнийг таниулах зорилгоор “Говьсүмбэр аймгийн археологийн судалгаа 2020-2025” гэрэл зургийн үзэсгэлэн, тайлант уулзалтыг Говьсүмбэр аймгийн Соёл, урлаг, аялал жуулчлал, залуучуудын газар, Сүмбэр сумын Засаг даргын Тамгын газраас амжилттай зохион байгууллаа.

Гэрэл зургийн үзэсгэлэнгийн нээлтэд Говьсүмбэр аймгийн ИТХ-ын дарга Ш.Билэггүмбэрэл, аймгийн Засаг даргын орлогч Б.Наранбаатар, Говьсүмбэр аймгийн Соёл, урлаг, аялал жуулчлал, залуучуудын газрын дарга Б.Энхтөр, Сүмбэр сумын ИТХ-ын дарга Т.Түмэнбаяр, Сүмбэр сумын Засаг дарга Э.Даваадорж нар мэндчилгээ дэвшүүлэв.

“Говьсүмбэр аймгийн археологийн судалгаа 2020-2025” тайлант уулзалтад Соёл, спорт, аялал жуулчлал, залуучуудын яам, Шинжлэх ухааны академийн Археологийн хүрээлэн, Соёлын өвийн үндэсний төв, Монгол Улсын их сургууль, “Боржигин өв” музейн төлөөлөл, эрдэмтэн судлаачид оролцлоо.