ГАМШГИЙН ҮЕИЙН ЗАРЛАН МЭДЭЭЛЛИЙН ДОХИОГООР АЖИЛЛАХ ДАДЛАГА СУРГУУЛИЛТАД ХАН-УУЛ ДҮҮРГИЙН ХЭМЖЭЭНД ИДЭВХТЭЙ ОРОЛЦЛОО

Монгол Улсын Засгийн газрын 2011 оны 339, 340 дүгээр тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам” болон “Нүүлгэн шилжүүлэх журам”-ыг хэрэгжүүлэх хүрээнд 2025 оны 03 дугаар сарын 27-ны өдрийн 16:00 цагт улс, орон даяар газар хөдлөлтийн аюулаас урьдчилан сэргийлэх арга хэмжээ зохион байгууллаа.

Арга хэмжээнд Хан-Уул дүүргийн Засаг даргын орлогч Ч.Базарзаяа болон холбогдох албан тушаалтнууд газар хөдлөлтийн аюулаас сэргийлэх талаар мэдээлэл хүргэлээ.

Дадлага сургуулилтад Хан-Уул дүүргийн Засаг даргын Тамгын газар, дэргэдэх хэлтэс, байгууллагуудын албан хаагчид оролцож, гамшгийн үеийн аюулт нөхцөлийн үед сэргийлэх арга хэмжээг шуурхай авах, өвчтөнд боолт хийх, хиймэл амьсгал хийх зэрэг анхны тусламжийн сургуулилтыг амжилттай гүйцэтгэлээ.

Зарлан мэдээллийн дохиогоор Хан-Уул дүүргийн хэмжээнд түр цугларах 48 цэг, байгууллага, аж ахуйн нэгжийн аюулгүйн талбайд дүүргийн дэргэдэх байгууллагууд, мэргэжлийн анги албад, МСҮТ, сургууль, цэцэрлэгийн ажилтан алба хаагчид, дүүргийн иргэд бүхий 67112 хүн хамрагдлаа.