Дүүргийн Нэгдсэн эмнэлгийн өргөтгөлийн барилга өнөөдөр ашиглалтад орж, диализийн тасагтай боллоо.

Нээлтийн үйл ажиллагаанд УИХ-ын гишүүн Ж.Алдаржавхлан, Хан-Уул дүүргийн Иргэдийн төлөөлөгчдийн хурлын дарга Ч.Бат-Оргил, Засаг даргын орлогч Ч.Базарзаяа болон холбогдох албаныхан оролцож, дотоод зохион байгуулалт, хэвтүүлэн эмчлүүлэх тасгуудын үйл ажиллагаатай танилцлаа.

Диализийн төвийг шинээр нээснээр хавдрын химийн эмчилгээ хийх боломж бүрдэж байна.

Мөн дүүргийн иргэдэд үзүүлэх эмнэлгийн тусламж өргөжиж, бөөрний архаг цочмог дутагдалтай өвчтөнүүд эрүүл мэндийн тусламж үйлчилгээг хүндрэлгүй ойроос авах нөхцөл бүрдэх бөгөөд нэн хүнд тохиолдлуудад үргэлжлүүлэн бөөр орлуулах эмчилгээг хийснээр өвчтөний амь насыг аврах, нас баралтыг бууруулах үр дүнтэй.