Аяны хүрээнд төрийн албан хаагчдын ажлын байрны дэг журмыг сахиулах, хувцаслалтын соёлыг хэвшүүлэх, төрийн албан хаагчийн ёс зүйтэй манлайллыг нэмэгдүүлэх уриалга бүхий “Ёс зүйтэй байгууллага, Ёс зүйтэй төрийн албан хаагч” тугийг Хан-Уул дүүргийн нутгийн захиргааны байгууллагуудаар аялуулж эхэллээ.

Тугийг хүлээж авсан байгууллагын удирдах албан тушаалтнууд хувцаслалтын соёлоор үлгэрлэн, ёс зүйн санал, санаачилга хэрэгжүүлэх байдлаар албан хаагчдаа манлайлж, үр дүнг хуваалцан, туршлага солилцох бөгөөд Засаг даргын дэргэдэх хэлтэс, алба, орон нутгийн өмчит байгууллага, хороод нийт 55 байгууллага хамрагдана.