Нэр сэтгүүлч, Төрийн шагналт, СГЗ, зохиолч Ш.ГҮРБАЗАР агсан таалал төгссөн нь Монголын ард түмний хувьд гэнэтийн, эмгэнэлт, уй гашуу тохиолоо. Эрхэм хүмүүнийг дурсаж, ар гэрт нь эмгэнэл илэрхийлсэн Соёлын яамны ЭМГЭНЭЛ нь Монгол төрийн эмгэнэл болж, сошил орчинд шүүмжлэл дагуулж, иргэдийг бухимдуулаад амжив. Дээрх алдаатай мэдэгдэлд ССАЖЗ-ын сайд Ж.Алдаржавхлан өөрийн албан ёсны цахим хаягаараа дамжуулан мөн эмгэнэл илэрхийлж, УУЧЛАЛ ХҮСЧЭЭ. Тэрбээр "Монгол Улсын Төрийн шагналт, Соёлын гавьяат зүтгэлтэн, Монголын зохиолчдын эвлэлийн нэрэмжит шагналт нэрт зохиолч, сэтгүүлч Шагдарсүрэнгийн Гүрбазар хүнд өвчний улмаас таалал төгссөнд эмгэнэл илэрхийлж, сүүлчийн замд үдэх ажлыг зохион байгуулах Ажлын хэсгийг Соёл, спорт, аялал жуулчлал, залуучуудын сайдын тушаалаар байгуулан Төрийн нарийн бичгийн даргаар ахлуулан ажиллаж байна.

Манай ажилтны эмгэнэл илэрхийлэхдээ гаргасан алдааны улмаас нийгэмд үүссэн бухимдалд талийгаачийн гэр бүлээс миний бие уучлалт хүсэж дахин харамсаж байгаагаа илэрхийлье.