Сонгинохайрхан дүүргийн удирдах ажилтнуудын шуурхай зөвлөгөөн өнөөдөр /2023.06.13/ болж өнгөрлөө. Зөвлөгөөнөөр дүүргийн удирдах ажилтнууд цаг үеийн нөхцөл байдал болон өмнөх зөвлөгөөнөөр өгсөн үүрэг даалгаврын хэрэгжилтийн талаар тайлагнасан юм.

Харин өнөөдрийн зөвлөгөөнөөр НИТХ-ын төлөөлөгч Сонгинохайрхан дүүргийн Засаг дарга Н.Алтаншагай дараах үүрэг даалгавруудыг удирдлагуудад өглөө.

-Монгол Улсын Засгийн газрын 2020-2024 оны үйл ажиллагааны хөтөлбөрийн хэрэгжилт, Монгол Улсын хөгжлийн 2023 оны төлөвлөгөөний хэрэгжилтийг эрчимжүүлж, эхний хагас жилийн гүйцэтгэлийг хугацаанд нь тайлагнах.

-”Нийтийн тээврийн автобусны эцсийн болон дундын зогсоолууд”-ын хэвийн, найдвартай үйл ажиллагааг хангуулах, орчны тохижилт, өнгө үзэмжийг сайжруулах зорилгоор төр, хувийн хэвшлийн түншлэлийн хэлбэрээр хамтран арчлалт, тохижилтыг шилжүүлэх санал боловсруулж танилцуулах.

-Орчны тоосжилт, агаарыг чийгшүүлэх зорилгоор нийтийн эзэмшлийн гудамж, зам талбай, ногоон байгууламжийг тогтмол услах, цэцэрлэгт хүрээлэн, тоглоомын талбайн тохижилтын ажлыг эрчимжүүлэх.

-Хөрөнгө оруулалт, тохижилт бүтээн байгуулалтын ажлуудаа бүх шатанд эрчимжүүлж ажиллах талаар тус тус үүрэг даалгалаа.