Монгол Улсын Засгийн газрын 2023 оны 49 дүгээр тогтоолын хавсралтаар баталсан “Авлигатай тэмцэх таван үйл ажиллагаа”-ны тавд “Шил” ажиллагааг хэрэгжүүлэхээр тусгасан байдаг. Соёл, спорт, аялал жуулчлал, залуучуудын яам болон харьяа байгууллагууд Нээлттэй мэдээллийн нэгдсэн (shilen.gov.mn) системд 5 бүлгийн 87 үзүүлэлтийн ил тод, нээлттэй байдлын мэдээллийг улирлаар оруулдаг.

Цахим хөгжил, инновац, харилцаа холбооны яамны харьяа Засгийн газрын хэрэгжүүлэгч агентлаг Төрийн цахим үйлчилгээний зохицуулалтын газрын Сургалт хөгжлийн хэлтсээс Нээлттэй мэдээллийн систем “Shilen.gov.mn”-ийн сургалтыг 2025 оны 9 дүгээр сарын 10-ны өдөр Соёл, спорт, аялал жуулчлал, залуучуудын яам болон харьяа байгууллагуудын систем хариуцсан албан хаагчдад зохион байгууллаа.

Сургалтад танхимаар 27 албан хаагч, цахимаар 4 албан хаагч нийт 31 албан хаагч хамрагдсан байна.