"Хамгийн сайн халамж хөдөлмөр эрхлэлт" уриатай Хөгжлийн бэрхшээлтэй иргэдийн хөдөлмөр эрхлэлтийг дэмжих цогц арга хэмжээ Дундговь аймагт хоёр дахь өдрөө үргэлжилж байна. Өнөөдөр буюу тавдугаар сарын 16 -ний өдөр Говийн бүсийн Дундговь, Дорноговь, Өмнөговь, Говьсүмбэр аймгийн гэр бүл, хөдөлмөр, нийгмийн хамгааллын салбарын албан хаагчид, нийт 100 гаруй хүн оролцож байна.

Сургалтаар

Хөгжлийн бэрхшээлийн тухай ойлголт, олон улсын чиг хандлага

Хөгжлийн бэрхшээлтэй хүний эрх зүйн шинэчлэл

Хөгжлийн бэрхшээлийн асуудлаар салбар дундын зохицуулалт, хамтын ажиллагаа

Хөгжлийн бэрхшээлтэй хүнд чиглэсэн хөдөлмөр, халамжийн үйлчилгээ

Төрийн цахим үйлчилгээ, цахим ур чадвар сэдвийн хүрээнд мэдлэгийг олголоо.

Мөн Гэр бүл, хөдөлмөр, нийгмийн хамгааллын салбарын анхан шатны нэгжийн албан хаагчдад бодлого, үйл ажиллагаагаа хэрэгжүүлэхэд тулгарч буй асуудал, шийдлийн талаар хэлэлцлээ.