Эрхэм хүндэт төгсөгчид өө, та бүхэндээ Эрдмийн баяр - Төгсөлтийн баярын мэндийг хүргэе!

Эрдмийн баяраа тэмдэглэж байгаа эрхэм төгсөгчдийн маань ирээдүйн аз жаргалын төлөө хамтдаа хичээж буй эцэг эхчүүддээ, энхрий шавь нараа эрдмийн их замд хөтлөн халуун сэтгэлээр чиглүүлж сургасан анги удирдсан багш нартаа чин сэтгэлийн талархал илэрхийлж, баярын мэндийг дэвшүүлье!

Тун удахгүй хамгийн хариуцлагатай цаг мөч биднийг хүлээж байна. Элсэлтийн ерөнхий шалгалтаа хичээнгүйлэн бэлдэж амжилттай дүн үзүүлэн өөрийн хүсэл сонирхол, ирээдүйн сайн сайхныхаа төлөө сонгосон мэргэжлээрээ, хүссэн сургуульдаа элсэн суралцахад нь амжилт хүсье!

Та нарын минь ирээдүйн их зам үргэлж гэрэлтэж байх болтугай.

ДУНДГОВЬ АЙМГИЙН ЗАСАГ ДАРГА Самданнямын МӨНХЧУЛУУН