“Бэрх биш–Ээлтэй” аяны хүрээнд зохион байгуулагдах “Тэгш эрх – Тэгш оролцоо 2025” цогц арга хэмжээний бэлтгэл ажлыг хангах зорилгоор ажлын хэсгийн хуралдаан боллоо.

Хуралд Аймгийн ЗДТГ, Сайнцагаан сумын ЗДТГ, Хөдөлмөр, халамжийн үйлчилгээний газар, Биеийн тамир спортын газар, Хөгжлийн бэрхшээлтэй хүний хөгжлийн төв, Соёл урлаг, аялал жуулчлал, залуучуудын газар, Улаан загалмайн хороо, Нийгмийн даатгалын газрын төлөөллүүд оролцож, арга хэмжээний зохион байгуулалт, хөтөлбөрийн хэрэгжилтийн талаар хэлэлцэн ажиллах чиглэлээ тодотгов.

Тус арга хэмжээ нь хөгжлийн бэрхшээлтэй иргэдийн тэгш оролцоог нэмэгдүүлэх, авьяас чадварыг дэмжих, төр-хувийн хэвшил–иргэний нийгмийн хамтын ажиллагааг өргөжүүлэх зорилготой бөгөөд бэлтгэл ажлыг шат дараатайгаар эрчимжүүлэн зохион байгуулж байна.