БНХАУ-ын баруун хойд нутгийн Шинжаан-Уйгурын өөртөө засах орны Фукан хотод баригдсан 100 МВт-ын хүчин чадалтай, цамхагт нарны дулааны цахилгаан станцыг баасан гарагт албан ёсоор цахилгаан сүлжээнд холбож, эрчим хүч үйлдвэрлэж эхэлжээ.

Тус станц нь нарны хөдөлгөөнийг бодит цаг хугацаанд дагаж, нарны гэрлийг төвлөрүүлэгч цамхаг руу ойлгодог 15,697 ширхэг ухаалаг толь бүхий системээр тоноглогдсон байна.

Төслийг бүрэн хүчин чадлаар ашиглалтад оруулснаар жилд 120 сая кВт.ц цахилгаан эрчим хүч үйлдвэрлэж, ойролцоогоор 40 мянган тонн нүүрс хэмнэн, нүүрстөрөгчийн давхар ислийн ялгарлыг жил бүр 140 мянган тонноор бууруулах тооцоо гарчээ.