Нийгмийн даатгалын ерөнхий газраас 2026 онд аймаг, дүүргийн Нийгмийн даатгалын газарт хийгдсэн дотоодын хяналт, шалгалтын үр дүн, цаашид авах арга хэмжээний талаар болон нийгмийн даатгалын сангийн 2026 оны орлогын төлөвлөгөөний биелэлт, шимтгэлийн өр авлага барагдуулах ажлыг эрчимжүүлэх, талаар 21 аймаг, 9 дүүргийн Нийгмийн даатгалын газрын удирдлага, захиргаа хяналт, шимтгэлийн орлого хураалт, өр авлага барагдуулалтын асуудал хариуцсан ажилтнуудтай цахим хурал, уулзалт зохион байгууллаа. Энэхүү уулзалтад Хяналт шалгалтын газрын дарга С.Лхагвадорж, Хуулийн хэлтсийн дарга М.Гэрэлмаа болон холбогдох мэргэжилтнүүд оролцож чиглэл, зөвлөмжийг өгч ажиллав.