Монгол Улсын Засгийн газрын хуралдаанаар Нийгмийн даатгалын ерөнхий хуульд нэмэлт өөрчлөлт оруулах тухай хуулийн төслийг хэлэлцэж, тэтгэврийн шударга тогтолцоог бүрдүүлэх буюу "Олон давхаргат тэтгэврийн тогтолцоо"-г УИХ-д өргөн барихаар боллоо.

Хуулийн нэмэлт өөрчлөлтөөр тэтгэврийн тухай дуусдаггүй яриаг цэгцлэх бөгөөд 2027 оны 1 дүгээр сарын 01-нээс зарим онцлох өөрчлөлтүүдийг дагаж мөрдөөд явах юм.

Монгол Улсын Ерөнхий сайд Н.Учрал хэлэхдээ,

-10 хүний 6 нь хамгийн бага тэтгэвэр авч байна. 57% нь 769 мянга, түүнээс бага тэтгэвэртэй

-42% нь бүрэн тэтгэврийн, 15% нь хувь тэнцүүлсэн тэтгэврийн доод хэмжээгээр авдаг.

-2025 оноос өмнө жил бүр цалин, үнийн өсөлтийг тооцож индексжүүлж нэмээгүй. Олон жилийн өмнө тэтгэвэрт гарсан иргэд үнийн өсөлтөд илүү нэрвэгддэг.

-2013 оноос өмнөх 1,4 сая төгрөгийн цалингийн дээд хязгаараас тэтгэвэр бодсоныг 2,4 сая төгрөгөөс тооцно.

-Бүх тэтгэврийг 2027 оны 1 дүгээр сарын 1-нээс эхлэн жил бүр автоматаар индексжүүлнэ гэлээ.