“Ногоон гайхамшиг – бидний ой” танин мэдэхүйн баримтат киног Германы алдарт, байгалийн кино найруулагч Ян Хафт 2012 онд Герман улсад бүтээжээ.

Кино найруулагч “Далд амьдралыг ил болгоно” уриатай уг бүтээлдээ Германы ойн гүн дэх нүдэнд үл үзэгдэх цэцгийн тоосноос эхлэн аварга амьтныг хүртэл тод томруунаар дүрслэн үзүүлэхдээ ойн гайхамшиг, ер бусын үзэсгэлэн хийгээд ойн оршин суугчдынх нь нууцлаг амьдралыг олон талаас нь онц сонирхолтойгоор дэлгэн харуулсан байна.

1 цаг 30 минут үргэлжлэх уг киноны зураг авалтыг 6 жилийн туршид, Герман, Дани, Австри гэсэн 3 улсын ойд хийсэн ба зураглаачид 100 гаруй шөнийг өнгөлөн далдлах майханд өнгөрөөж, 250 гаруй цагийн бичлэг хийж, кино техникийн сүүлийн үеийн арга техник, ололт амжилтыг бүрэн дүүрэн ашиглаж бүтээсэн байна.

Уг кинонд олон улсын шагналт шилдэг зураглаачид ажиллаж, Гриммегийн нэрэмжит шагналт Бенно Фюрманн дуу оруулжээ. Киног бүтээх 6 жилийн явцад цуглуулсан 250 гаруй цагийн бичлэгээсээ сонгон “Ойн домог” хэмээх 2 ангит телевизийн цуврал кино бүтээсэн нь телевизийн олон удаагийн шагнал хүртэж байсан байна.

Монгол талын мэдээлэл:

Киноны эрх, монгол хэлнээ хөрвүүлэх ажил: World Garden Mongolia ТББ-ын тэргүүн Д.Эрдэнэчулуун

Мэргэжлийн редактор, хадмал орчуулгын хөрвүүлэгч: Др.Р.Сүнжидмаа

Дуу оруулагч: МУ-ын Ардын жүжигчин П.Цэрэндагва

Дуу оруулсан студи: Bro's Records

Ивээн тэтгэгч: Монгол улсад суугаа ХБНГУ-ын элчин сайдын яам

https://drive.google.com/.../1pnQwgpMKlVdJhjFGjp1.../view... холбоосыг дарж арга хэмжээний дэлгэрэнгүй хөтөлбөртэй танилцана уу.

Кино нээлтийн арга хэмжээний бүртгэлийн линк тун удахгүй оруулах болно. (Үнэ төлбөргүй)