Монгол улсад тэтгэврийн насны 510 орчим мянган иргэн бий. Нийгмийн даатгалын багц хуулийн хүрээнд тэтгэвэр, тэтгэмжийг жил бүр инфляцитай уялдуулан 6 хувиар нэмэгдүүлдэг. Засгийн газраас өргөн барьсан 2026 оны төсөвт ахмадуудын тэтгэврийн нэмэгдэлд 878 тэрбум төгрөгийн төсөв батлахаар байгаа. Тэгвэл тэтгэвэр авагч ахмадууд сард 1,5 сая төгрөгийг тэтгэвэр авдаг болох хүсэлтэй байгаа бөгөөд Засгийн газарт шаардлаг хүргүүлж, Төрийн ордны гадна шаардлагын суулт хийж байна. 

Тэдний зүгээс өнөөгийн авч байгаа 685 мянган төгрөг АМЬДРАХ ХҮРЭЛЦЭХГҮЙ, эм авч чадахгүй байгаа тул арга буюу ийнхүү тэтгэврээ нэмүүлэхээр сууж байна гэлээ.