Эрчим хүчний үнийг нэмж 550 орчим тэрбум төгрөг олсон гэдэг тооцоо бий. Гэтэл энэ мөнгийг салбарынхаа шинэчлэл, төслийн ажилд бус ЖИЙП АВЧ УНАХАД зарцуулсан байна.

Тухайлбал, “Эрчим хүчний эдийн засгийн хүрээлэн” ТӨААТҮГ-ийн захирал М.ТҮМЭНЖАРГАЛ гэгч 2025 оны 06 дугаар сарын 06-ний өдөр “БИЗХАУЗ” ХХК-ийн захирал А.ГАНХҮҮТЭЙ 25060601 дугаартай “АВТОМАШИН ЗАХИАЛГААР ХУДАЛДАХ, ХУДАЛДАН АВАХ” тухай гэрээ байгуулж Япон улсын TOYOTA кампанийн үйлдвэрлэсэн COROLLA CROSS 2025 маркийн, хар өнгөтэй, бензин хөдөлгүүртэй бага оврын суудлын жийп машиныг ТАТВАР ТӨЛӨГЧДИЙН ТӨЛСӨН 85 сая төгрөгөөр шууд худалдан авахаар тохирчээ.

Гэрээний дагуу “БИЗХАУЗ” ХХК-ийн ХХБанкны 499397388 тоот данс руу “Эрчим хүчний эдийн засгийн хүрээлэн” ТӨҮГ-аас 2025 оны 07 сарын 23-ний өдөр “Автомашины төлбөр” гэх утгаар 85 сая төгрөгийг шилжүүлсэн байна.