П.Сайнзориг тэргүүтэй 50 гаруй гишүүд Ерөнхий сайд Г.ЗАНДАНШАТАРЫГ  огцруулах албан бичгийг УИХ-ын дэд дарга Х.БУЛГАНТУЯАД гардулусан. Энэ дагуу УИХ-ын даргын дэргэдэх ЗӨВЛӨЛ хуралдаж дээрх асуудлыг гурав хоногийн дотор хэлэлцэж, 10 дотор шийдвэрлэх Үндсэн хуульд заасны дагуу Төрийн байгуулалтын байнгын хороогоор асуудлыг авч хэлэлцлээ. Хуралдаанд Ерөнхий сайд Г.ЗАНДАНШАТАР болон УИХ-ын дарга Д.АМАРБАЯСГАЛАН нар оролцсон юм. Уг хуралдаанаар ямар нэг эцсийн шийдвэр гаргаагүй ч ирэх долоо хоногийн Даваа гараг хүртэл түр завсарлуулаа. 

Хуралдаан тарсаны дараа УИХ-ын гишүүн асан Л.Гантөмөр дараах байр суурийг хэвлэлийнхэнд өглөө. Тэрбээр "Д.Амарбаясгалан, Г.Занданшатар нарын хэн хэн нь намын бүлийнхээ гишүүдийн 50-% илүү хувийг давж чадаагүй тул ХОЁУЛАА ОГЦРОХ ХЭРЭГТЭЙ. Ядаж намынхаа гишүүдийн дийлэнх олонхийн дэмжлэгийг авсан хүн нь Ерөнхий сайд болно биз. Энэ намын асуудал АН-д хамаагүй." гэлээ.