Төсвийн мөнгө уйлдаггүй гэдэг. Ч.Номин Соёлын сайд байхдаа татвар төлөгчдийн мөнгийг хамаа замбараагүй үрж, гадаад дотоодгүй аялаж зугаалсан байдаг. Тэрч бүү хэл өөрийн дотны найд Ж.ТАНА гэх эмэгтэйг дагуулан СИНГАПУРТ хоёр хоночихоод ирсэн баримт, нислэгийн тийзний төлбөр нь ч бий.

Хүүхдүүдийг номын сан, музей үзүүлэх СОЁЛЫН ВАУЧЕРТ 18.3 тэрбум төгрөг тусгуулна гэж зүтгэж байсан. Тэрчлэн Ц.Цэрэнпунцаг нартай хавсайдан БУРХАН БАГШИЙН ХӨШӨӨ бариулах гэж зүтгэж байгаад ХЭВЛЭЛД НАМНУУЛАН шалдаа бууж цагаан тугаа өргөсөн.

Тэгвэл Соёлын сайд байхдаа 2024 оны 05 дугаар сарын 03-нд А/321 тоот тушаал гаргаж Монголын бурханы шашинтны Төв Гандантэгчилэн хийдийн сүм хийдийн цэвэрлэгээ, өнгө будгийг сэргээх ажилд 512 сая 675 мянган төгрөгийн төсвийг өгч байжээ.  Гэвч нохойн толгойг ширээн дээр залахаар шороон дээр унана гэгчээр өнгө зүсээ ч сольсон зүйлгүй, чимээ аниргүй, таг чиг байна.