Нийгмийн даатгалын сан гэж хэрэгтэй хүндээ хүрдэггүй сан бий. Иргэд сар болгон татвар төлөөд ч улам хоосроод байдгийг нь гайхмаар. Мөн Үйлдвэрлэлийн осол, мэргэжлээс шалтгаалсан өвчний даатгалын сан гэж бий. Хөдөлмөрлөж яваад осолдлоо гэхэд Үйлдвэрлэлийн осол, мэргэжлээс шалтгаалсан өвчний даатгалын сан тэтгэмж өгөх юм уу дэвтэр, бал өгөх юм уу? Хөгжлийн бэрхшээлтэй болсон хойно нь "татганаж байж" арай гэж сард 300 мянган төгрөг хялайлгана. Сан хоосон учир тэтгэвэр, тэтгэмж нэмэх боломжгүй гэнэ. Арга ч үгүй биз.

НДЕГ-ын дарга тушаал гаргаж татвар төлөгчдөөс булааж авсан 30 сая төгрөгөөр бэлэг дурсгалын зүйл авна гэнэ.

БАРИМТ: 

Үүний гол зорилго нь "Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хууль түүний ач холбогдлыг сурталчилсан маркетингийн бүтээгдэхүүн бэлтгэх, олон нийтэд түгээх" гэнэ.

Б.Батжаргал дарга аа! Дэвтэр, бал тарааж яг ЯАЖ, ЮУНААС урьдчилан сэргийлж чадах вэ?