Хэнтий аймаг дахь Төрийн аудитын газраас аудитын шийдвэрийн хэрэгжилт, санхүүгийн тайлангийн аудитын явц, анхаарах асуудал сэдэвт харилцагч талуудын уулзалтыг зохион байгуулж 65 байгууллагын 132 төсвийн захирагч болон санхүүгийн ажилтнууд оролцлоо.

Харилцагч талуудын уулзалтаар 2025 онд гүйцэтгэсэн завсрын аудитын явц, тус онд гүйцэтгэсэн аудитаар өгөгдсөн шийдвэрийн хэрэгжилтийг танилцуулж, авлигын эсрэг олон улсын өдрийг угтан аймгийн Прокурорын газар хамтран ажиллах санамж бичгийн хүрээнд эрүүгийн хуулийн 22 дугаар бүлгийн талаар мэдээлэл, аймаг дахь Төрийн аудитын газраас “Би тэнцвэржүүлэгч” нөлөөллийн арга хэмжээг зохион байгуулж оролцогч нарын эрх зүйн мэдлэгийг бататгалаа.

Тус уулзалтаар аймгийн Засаг дарга Д.Аюурбунь төсвийн захирагч, нягтлан бодогч нарыг санхүүгийн алдаа зөрчилгүй ажиллах, шилэн дансны тухай хуулийг хэрэгжүүлэх, аудитаар өгөгдсөн шийдвэрийг бүрэн хэрэгжүүлж ажиллахад анхаарах талаар чиглэл өгч, цаашид аймгийн Засаг даргын албан даалгавар гаргаж ажиллахаар шийдвэрлэлээ.