Жил бүрийн аравдугаар сарын 13-нд тохиодог “Гамшгийн эрсдэлийг бууруулах олон улсын өдөр”-ийг тохиолдуулан төрийн цэргийн болон хууль сахиулах байгууллагуудын оролцоотой алба сурталчлах өдөрлөгийг Чагдаржавын талбайд зохион байгууллаа.

Уг арга хэмжээ нь гамшгийн эрсдэлийг бууруулах, урьдчилан сэргийлэх, бэлэн байдлыг хангах чиглэлээр иргэд, байгууллагуудын мэдлэг, ойлголтыг нэмэгдүүлэх, олон нийтийн оролцоог дэмжих, аюулгүй амьдрах хэв маягийг төлөвшүүлэх зорилготой юм.

Өдөрлөгт Цэргийн штаб, Онцгой байдлын газар, Зэвсэгт хүчний 278 дугаар тусгай салбар, Шүүхийн шийдвэр гүйцэтгэх газар, Шүүх шинжилгээний хэлтэс, Улаан загалмайн хороо зэрэг байгууллагууд оролцож, сурчдад байгууллагынхаа үйл ажиллагаа, гамшгаас хамгаалах чиглэлээр хийж буй ажил, анхаарах зүйлсийн талаар мэдээлэл, зөвлөмж өгч, сурталчилгааны материал тарааж, танилцуулга хийлээ.