Хууль зүй, дотоод хэргийн яамны дэд сайд Д.Мөнх-Эрдэнээр ахлуулсан ажлын хэсэг, Өмнөговь аймгийн Засаг дарга Н.Энхбат, Ханбогд сумын Засаг дарга М.Цэвээнравдан нар Өмнөговь аймгийн Ханбогд сумын Цагаанхад – Гашуунсухайт хилийн боомтод ажиллаж хилийн боомт, сум орон нутгийн нөхцөл байдалтай танилцаж аймаг, орон нутгийн удирдлагын зүгээс Ханбогд сумын Хайрхан багийг тосгоны статустай болгон цэцэрлэг, сургууль, эмнэлэг, цагдаа байгуулах хэрэгцээ шаардлагыг танилцуулж, иргэдэд төрийн үйлчилгээний хүртээмжийг нэмэгдүүлэх санал илэрхийлэв. Мөн Тавантолгой - Гашуунсухайт чиглэлийн төмөр замын үйл ажиллагаа, тээвэр логистикийн тогтолцоог сайжруулах боломж, цаашдын зохицуулалтын талаар санал солилцлоо.