”Монголын төмөр зам” ТӨХК нь хүний нөөцийн урт хугацааны хөгжлийн бодлогын хүрээнд БНХАУ-ын ӨМӨЗО-ны Бугатын төмөр замын мэргэжлийн техник технологийн коллежтой байгуулсан санамж бичгийн дагуу хамтын ажиллагаагаа үргэлжлүүлэн хэрэгжүүлж байна.

Энэхүү хамтын ажиллагааны хүрээнд 02 дугаар сарын 28-ны өдрөөс эхлэн хоёрдугаар ээлжийн богино хугацааны сургалтад Суурь бүтцийн газрын инженер, мэргэжилтнүүд хамрагдаж эхэллээ.

Сургалт нь төмөр замын суурь бүтцийн ашиглалт, засвар үйлчилгээ, техник технологийн чиглэлээр онол, практик хосолсон хэлбэрээр зохион байгуулагдаж байна.