Төсвийн мөнгө уйлдаггүйн тод жишээ. Орон нутгийн хөгжлийн сангийн мөнгө болон Засаг даргын нөөц хөрөнгийг иргэдийн санал дэмжлэг авсан болон нэн чухал зүйлд зарцуулдаг. Харин Багахангай дүүргийн удирдлагууд төсвийн мөнгөөр “ШИНЭ ОНЫ АНХНЫ НАР ХАРАХ ЁСЛОЛ” гэгчийг зохион байгуулжээ.

Ингэхдээ төсвийн 2 сая 800 мянга 100 төгрөг зарлагадан 170 литр шатахуун, түүдэг асаах мод, аарц, чацаргана, аньс, мах, сүү тэргүүтэй бүтээгдэхүүн авсан байна.

Төрийн хэмнэлтийн тухай хуульд “13.6.Иргэдээс санал авч дэмжигдсэн тохиолдолд Орон нутгийн хөгжлийн сангийн үйл ажиллагаанд иргэдийн оролцоог нэмэгдүүлэх, өрхийн амьжиргааг дэмжих болон иргэдэд жижиг, дунд үйлдвэрлэл эрхлэхэд тоног төхөөрөмжийн болон арга зүйн дэмжлэг үзүүлэхэд чиглэсэн сургалтын төсөл, арга хэмжээг санхүүжүүлж болно” гэж заасантай Багахангай дүүргийн Засаг дарга А.СҮХБОЛДЫН захирамж зөрчилдөж байна.