НИТХ-ын төлөөлөгч З.Төмөртөмөө дараах байр суурийг илэрхийллээ. Дахин төлөвлөлтийн ажил амаргүй. Хоосон газар дээр барилга угсрах биш иргэдтэйгээ ойлголцож, барилга нураахаас эхлээд цаг хугацаа, хөрөнгө мөнгөний эрсдэл хүлээж байдаг. Тиймээс барилгын компаниудаа эхнээс нь зөв төлөвлөлттэй, хариуцлагатай, хүний эрхийн мэдрэмжтэй байхыг зөвлөдөг. Бид хяналтын үүргээ гүйцэтгэнэ. Тиймээс дахин төлөвлөлтөд орж байгаа орон сууцны оршин суугчид нэгдмэл зорилготой байж, төслийн ажлыг дэмжиж ажиллах чухал юм. Хаврын бүтээн байгуулалтууд эхэлж байгаа эдгээр өдрүүдэд үндэсний бүтээн байгуулагч компаниудад БАТЛАМЖ гардуулж байгаадаа баяртай байна.