Шүүхийн ерөнхий зөвлөлийн дарга П.Золзаяа төсвийн 322 сая төгрөгөөр нөүтбүүк худалдаж авах тендерт гарын үсэг зуржээ. 

Өмнө нь 66 сая төгрөгөөр согтолт хэмждэг драгер худалдан авч байсан Шүүхийн Ерөнхий Зөвлөл энэ удаа 322 сая төгрөгөөр нөүтбүүк худалдан авах гэнэ. Шүүхийн байгууллагад нэн чухал зүйл нь согтолт хэмжих драгер, өндөр үнэтэй нөүтбүүк мөн үү ? эсвэл иргэдийн итгэлийг сэргээх шударга тогтолцоо юу ? Өнөөдөр Монголын шүүхийн байгууллагад тулгамдаж буй гол асуудал  бол иргэдийн итгэл, шударга шийдвэр гэдэгтэй маргах хүн үгүй биз. Харин ШЕЗ-ийн энэ мэт худалдан авалтуудаас үзэхэд "Иргэд та нарын шударга ёсны хүлээлт биш, манай байгууллагын дотоод хэрэглээ нэн чухал" гэж байгаатай ялгаа юун. Төрийн мөнгө гэдэг эзэнгүй мөнгө биш. Тэр тусмаа шүүхийн байгууллагын төсөв бол иргэдийн татварын мөнгө. Өнөөдөр иргэдэд хэрэгтэй байгаа зүйл бол өндөр үнэтэй шинэ нөүтбүүк барьсан шүүхийн байгууллага биш, шударга, хариуцлагатай төсөвтөө эзэнтэй төрийн институц билээ.