Баянгол дүүргээс өнгөрсөн онд “Баянгол боловсрол” хөтөлбөрийн хүрээнд хүүхдийн бүтээлч, шинжлэх ухаанч сэтгэхүйг хөгжүүлэх STEAM /ШИМТ хөтөлбөрийг 25, I*m Brick хөтөлбөрийг 16 цэцэрлэгт хэрэгжүүлэхээр болж, дүүргийн Төсвийн хөрөнгө оруулалтаар төрийн өмчийн цэцэрлэгүүдэд шаардлагатай сургалтын хэрэглэгдэхүүнийг авч, хүлээлгэж өгсөн юм.

Тэгвэл энэ хүрээнд өнөөдөр Баянгол дүүргийн ИТХ-ын дарга П.Өлзийнаран, дүүргийн Засаг даргын орлогч Д.Мөнхбаатар нар “УБТЗ”ХНН-ийн Хүүхдийн секторын харьяа цэцэрлэгүүдэд “Steam im Brick”хөтөлбөрийн хэрэглэгдэхүүнүүдийг гардуулж өглөө. Хүүхдүүд STEAM/ШИМТ болон I*m Brick тоглоомыг тоглосноор шинжлэх ухаан, технологи, инженерчлэл, математик, урлаг гэсэн 5 үндсэн салбарын мэдлэгийг авахаас гадна бага насны хүүхдийн инженерчлэлийн болон бүтээлч сэтгэлгээг тоглоомоор дэмжин хөгжүүлдэг юм.