Монгол Улсын Ерөнхийлөгч У.Хүрэлсүх өнөөдөр /2026.11.06/ Засгийн газрын зарим сайд нарыг дуудан уулзаж, үүрэг чиглэл өгчээ. Тодруулбал, шатахууны нийлүүлэлтийн асуудлаар Аж үйлдвэр, эрдэс баялгийн сайд Г.Дамдинням болон хууль хяналтын байгууллагын төлөөллийг дуудаж, үүрэг өгсөн байна.

Энэ талаар Монополын эсрэг газрын дарга Б.Амарсанаа мэдээлэл өгөхдөө "Монгол Улсын Ерөнхийлөгч холбогдох яамдын сайд болон хууль хүчний байгууллагын төлөөллийг дуудан, үүрэг чиглэл өглөө. Шатахууны нөхцөл байдалтай холбоотойгоор ард иргэдийг бухимдуулахгүйгээр түгээлт, хангамжийг сайжруулах үүрэг өгсөн. Олон улсын нөхцөл байдал хүнд байгаа ч дотооддоо зохион байгуулж болох хэмжээнд шуурхай ажиллах үүрэг өгсөн. Тагнуулын байгууллагаас шатахууны асуудлаар зохион байгуулалттай үйлдлүүд гарсныг тогтоон ажиллаж байгаа юм байна. Энэ асуудалд хамтран ажиллах үүрэг өглөө" гэсэн юм.