АН-ын дэд дарга Б.Дэлгэрмаа 2020 оны УИХ-ын сонгуульд бие даан нэр дэвших болсон тул намын гишүүнээс хасагдах, үүрэгт ажлаасаа чөлөөлөгдөх хүсэлтээ гаргажээ. Ийнхүү АН-ын Үндэсний бодлогын хороо өнөөдөр хуралдаж Б.Дэлгэрмааг дэд даргын албан тушаалаас чөлөөлж, түүний оронд Ардчилсан эмэгтэйчүүдийн холбооны дэд дарга Б.Жаргаланг томилсон байна. Б.Жаргалан нь УИХ-ын гишүүн, Эдийн засгийн хөгжлийн сайд асан Н.Батбаярын охин юм.

Тэрээр 2020 оны УИХ-ын сонгуульд Архангай аймагт өрсөлдөхөөр горилож, намдаа дэнчингийн мөнгөө тушаасан билээ. Б.Дэлгэрмаагийн хувьд дэд даргын албан тушаалаас чөлөөлөгдсөн бөгөөд гишүүнчлэлээс хасагдах асуудлыг намын анхан шатны нэгж шийдэх аж.