Эрүүл мэндийн яамнаас цаг үеийн асуудлаар ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү: “Өчигдрийн байдлаар коронавирусийн шинэ тохиолдол илрээгүй. Монгол Улсын хэмжээнд шинэ коронавирусийн 140 тохиолдол албан ёсоор бүртгэгдэж, 26 нь эмчлэгдсэн. Одоогоор ХӨСҮТ-д 114 хүн эмчилгээнд байна. Тэдний 88 нь хөнгөн, 26 хүн хүндэвтэр байна. Эмчлэгдэж байгаа хүмүүсээс гадна ХӨСҮТ-д 67 хүн ажиглалтад байгаа. Тэдний 47 нь энэ сарын 24-нд эмнэлгээс гарна. Өчигдөр гурван лабораторид нийт 109 хүнд шинжилгээ хийхэд бүгдэд нь коронавирус илрээгүй.” гэв.