Бизнес, маркетингийн салбараас ажлын гараагаа эхлүүлж, улмаар улс төрд орж, 2024 оны сонгуулиар анх удаа УИХ-ын гишүүн болсон түүний замнал харьцангуй богино хугацаанд өрнөсөн. Бизнес, маркетингаас эхэлсэн замнал С.Цэнгүүн Улаанбаатар хотод төрсөн. 2013 онд “Искра” ахлах сургуулийг төгсөж, 2017 онд ШУТИС-ийн Бизнесийн удирдлага, хүмүүнлэгийн сургуулийг бизнесийн удирдлага, маркетингийн менежментийн чиглэлээр бакалаврын зэрэгтэй төгсжээ. Үүний дараа боловсролоо үргэлжлүүлж, 2022 онд Санхүү, эдийн засгийн их сургуульд санхүүгийн менежментийн магистрын зэрэг хамгаалсан. Англи, Герман, Хятад хэлтэй. 

Түүний ажлын гараа 2017 онд “Атмор” ХХК-ийн маркетингийн менежерээс эхэлсэн байдаг. 2020 онд “Штаб Левел” ХХК-ийн гүйцэтгэх захирлаар ажиллаж, 2022 онд “Атмор” ХХК-ийн Төлөөлөн удирдах зөвлөлийн даргаар ажиллажээ. Өөрөөр хэлбэл, улс төрд орохоосоо өмнө маркетинг, бизнесийн удирдлага, дэд бүтцийн салбарт ажилласан туршлага хуримтлуулсан байна. Улс төрд орсон шинэ үеийн төлөөлөл С.Цэнгүүн олон нийтэд улс төрчийн хувиар 2024 оны УИХ-ын сонгуулийн өмнөхөн илүү танигдаж эхэлсэн. 2023 оноос Ардчилсан намын Залуучуудын байгууллага “Ардчилсан залуучуудын холбоо”-ны Тэргүүн дэд Ерөнхийлөгч, 2024 онд Ардчилсан намын мөрийн хөтөлбөр боловсруулах ажлын хэсгийн гишүүн, 2024 оноос “Зориг ардчиллын хүрээлэн”-гийн Удирдах зөвлөлийн гишүүн, Тэрээр тухайн үед өгсөн ярилцлагадаа ардчилсан нийгэм, эрх чөлөө, чөлөөт зах зээлийн орчинд өссөн шинэ үе Монголын нийгэмд бий болсон тухай ярьж, өөрийн үеийнхэн улс төр, нийгмийн өөрчлөлтөд илүү идэвхтэй оролцох боломжтой гэсэн байр суурийг илэрхийлж байв.  “Ladies of liberty alliance” ОУБ-ын гишүүн,  “Мадридын клуб” ОУБ-ын гишүүн, “Woman parliamentarian program” (WPP) ОУБ-ын гишүүнчлэл бол УИХ дахь Монгол-Бутаны парламентын бүлгэмийн дарга, Монгол-Германы парламентын бүлгэмийн дэд дарга, Монгол-АНУ-ын парламентын бүлгэмийн гишүүн, Монгол-Японы парламентын бүлгэмийн гишүүн, Монгол-Оросын парламентын бүлгэмийн гишүүнээр тус тус ажилладаг. 

2024 оны УИХ-ын сонгуулиар Ардчилсан намын жагсаалтын дөрөвдүгээрт нэр дэвшин сонгогдож, анх удаа парламентын гишүүн болсон. Ингэснээр бизнесийн байгууллагад маркетингийн менежерээр ажлын гараагаа эхлүүлсэн С.Цэнгүүний хувьд долоон жилийн дараа Монгол Улсын хууль тогтоох дээд байгууллагад ажиллах шинэ үе эхэлсэн юм. Парламент дахь эхний жилүүд УИХ-ын гишүүний хувиар С.Цэнгүүн эдийн засаг, хууль эрх зүй болон залуучуудын оролцоотой холбоотой асуудлуудад ажиллаж байна. Түүний олон нийтэд танилцуулсан 2024–2026 оны үйл ажиллагаанд парламентын ажилтай зэрэгцэн залуучуудтай хийх уулзалт, хэлэлцүүлэг, “Нээлттэй парламент” зэрэг хөтөлбөр, гадаад болон дотоодын уулзалтууд багтжээ.

2026 онд тэрээр Зүүн хойд Азийн энх тайван, хамтын ажиллагааны форумд оролцож, БНСУ-д суралцаж, ажиллаж буй монгол залуустай уулзсан байна. Шинэ үе улс төрд С.Цэнгүүний замнал нэг зүйлийг тод харуулдаг. Тэр уламжлалт төрийн албаны шат дамжлагаар бус, хувийн хэвшил, бизнесийн салбараас улс төрд орж ирсэн шинэ үеийн төлөөллийн нэг юм. Маркетингийн менежерээс компанийн удирдлага, улмаар улс төрийн нам, парламент хүртэлх түүний замнал богино хугацаанд өрнөсөн. Харин УИХ-ын гишүүн болсон нь энэ түүхийн төгсгөл бус, харин улс төрийн замналынх нь эхлэл.