Төрийн банкны удирдлагууд амь нас, эрүүл мэнд, эд хөрөнгө, байр саваа даатгалд хамруулахаар 625 сая 669 мянган төгрөгийг төсөвлөжээ. Ингэхдээ тээврийн хэрэгслүүдээ 143 саяар, жолоочийн хариуцлагын албан журмын даатгалд 124 сая, мэргэжлийн хариуцлагын даатгалд 21 сая, барилга, үл хөдлөх хөрөнгөө 184 саяар, бэлэн мөнгөө 10 саяар, техник, тоног төхөөрөмжөө 64 саяар, ажилтны эрүүл мэнд, амь насыг 78 саяар даатгана гэж тооцжээ.

Энэ дундаас банкнтай хөдөлмөрийн гэрээ байгуулан ажиллаж буй удирдлага, газар, хэлтэс, салбарын захирал зэрэг 537 хүний АМЬ НАСЫГ 4 тэрбум 296 сая төгрөгөөр үнэлсэн бол энгийн ажилтан 1942 хүний АМЬ НАСЫГ 5 тэрбум 826 сая төгрөгөөр даатгана гэжээ.