“Эрдэнэс Тавантолгой”-н захирал асан Д.Ариунболдыг 2020 оны тавдугаар сарын дөрөвний өдөр Авлигатай тэмцэх газраас саатуулсан. Түүнийг Цагдан хорих 461 дүгээр ангид саатуулжээ. Д.Ариунболд нь 2016-2018 оны хооронд “Эрдэнэс Тавантолгой” компанийн захирлаар ажиллаж байсан. Түүнийг ажиллаж байх хугацаанд “Эрдэнэс Тавантолгой” ХК-ийн тусгай зөвшөөрөлтэй талбайгаас 268.3 мянган тонн нүүрс хулгайд алдагдсан гэх мэдээлэл цацагдаж байсан юм. Энэ хэрэгт холбогдуулан УИХ-ын нэр бүхий гишүүнийг хуулийн байгууллагаар шалгахаар болсон гэх мэдээлэл ч цацагдаж байв. Д.Ариунболдыг Тавантолгойн ордоос алдагдсан нүүрсний хэрэгтэй холбоотой асуудлаар баривчилсан байж болзошгүй аж.