Маргааш буюу дөрөвдүгээр сарын 27-нд  АН-аас шинээр тодорсон хоёр даргын хэнийг нь жинхэнэ даргаар бүртгэх вэ гэдгийг Улсын дээд шүүхийн хуралдаанаар тодорхой болох гэж байна. Тус нам нь өнгөрөгч гуравдугаар сарын 28-нд хоёр тусдаа намын даргаа тодруулж, М.Тулгат, О.Цогтгэрэл гэсэн хоёр даргатай болоод буй. Харин Ерөнхийлөгчийн сонгуульд нэр дэвшигчид тодрохоос өмнө тэдний хэн нь албан ёсоор АН-ын даргаар бүртгэгдэх вэ гэдэг хүлээлт бий болсон юм.  Түүнчлэн АН-аас Ерөнхийлөгчийн сонгуульд нэр дэвшихээ албан ёсоор зарласан нь Ц.Оюунгэрэл, Р.Амаржаргал нар болж байна.