Монгол Улсын Засгийн газар ОХУ-аас Covid-19 эсрэг нэг сая тун "Спутник V" вакцин худалдан авахаар гэрээ байгуулжээ. Тус ажлын хүрээнд нэгдүгээр тунгийн 40 мянган тун вакцин өнөөдөр /2021.05.01/ ирэх бол 20 мянган тун  нь улсад, үлдсэн нь хувийн хэвшилд нийлүүлэх төлөвлөгөөтэй байна.  Харин хоёрдугаар тун нь 21 хоногтоо багтаж ирнэ гэдгийг албаныхан мэдэгдэж байна. Түүнчлэн ОХУ-аас Монгол Улсад 300 мянган тун "Спутник V" вакциныг хүмүүнлэгийн тусламжаар нийлүүлэхээ мэдэгджээ.