Засгийн газар өнөөдөр ээлжит бусаар хуралдаж, Элсэлтийн Ерөнхий шалгалтыг зохион байгуулах хугацааг товлоно гэж БШУ-ы сайд Л.Энх-Амгалан мэдээллээ. 

Энэ жил ЭЕШ-д 40 мянга гаруй хүүхэд оролцохоор бүртгүүлсэн бол зохион байгуулалтад 10 мянга гаруй багш ажилчид бүртгүүлээд байжээ. Хэрвээ уламжлал ёсоор ЭЕШ-ыг долдугаар сард зохион байгуулсан бол ЭЕШ-д оролцох дөрвөн хүүхэд тусмын нэг нь ковидоор өвчлөх эрсдэлтэй байсан учраас шалгалтын товыг хойшлуулсныг салбарын сайд мөн мэдээлсэн. 

Өнөөдрийн байдлаар 12-17 насны хүүхдүүдийн 70 орчим хувь нь вакцины хоёр дахь тундаа хамрагдаад байгаа бол ЕБС-ийн багш нарын 80 орчим хувь нь мөн адил хоёр дахь тундаа хамрагдсан байна. Тиймээс ЭЕШ болон танхимын хичээлийг хугацаанд нь эхлүүлэхээр БШУЯ бэлтгэл ажлаа хангаж байгаа ажээ.