Улсын Их Хурлын Ерөнхий нарийн бичгийн дарга, хууль зүйн ухааны доктор Л.Өлзийсайхан “Сэтгүүл зүйн лаборатори: Парламентын ардчиллыг бэхжүүлье” хөтөлбөрт оролцож буй залуу сэтгүүлчдэд лекц уншлаа.

Дэлхий дахинд ардчилал сорилт, бэрхшээлтэй тулгарч буй энэ үед парламентын нээлттэй, ил тод байдал, иргэд, олон нийтийн оролцоог хангах, эгэх холбоо, төлөөлөл хэрэгжүүлэх чадамжийг сайжруулахад хэвлэл мэдээлэл, тэр дундаа парламентын сэтгүүл зүй чухал үүрэгтэй.

Хүний үндсэн эрхийг ханган нөхцөлийг бүрдүүлдэг “эрх чөлөөний эрх чөлөө” болсон Хэвлэлийн эрх чөлөө иргэдийн мэдэх эрх, төрийн ил тод, нээлттэй байдал, ард иргэдийн хяналтыг хэрэгжүүлэх баталгаа болдог ч туйлын эрх биш тул хязгаарлах боломжтой.