Сүхбаатар дүүргийн Онцгой байдлын хэлтсийн Гал түймэр унтраах, аврах ангийн 34-р ангид өчигдөр (2021.04.13) 18:43 цагт Баянзүрх дүүргийн 21 дүгээр хорооны Сэлбийн 41 тоот хашаанд гал гарсан дуудлага иржээ. Аврах анги таван минутын дараа очсон ч иргэн Д-гийн хашаанд гэр шатаж, 60 орчим насны эрэгтэй, иргэн Х галд өртөн нас барсан байсан харамсалтай хэрэг гарчээ. Хохирогч иргэн Х гэртээ ганцаараа байсан ба  согтууруулах ундаа их хэмжээгээр хэрэглэсэн байж болзошгүй гэж үзэж байна. Шалтгаан нөхцлийг тогтоохоор Баянзүрх дүүргийн Цагдаагийн хоёрдугаар хэлтсийн бүрэлдэхүүн ажиллаж байна.