УИХ-ын гишүүн Б.Пүрэвдорж, Ж.Батсуурь, С.Одонтуяа нарын гишүүд Д.Сүхбаатарын талбайд “ТЭТГЭВРИЙГ 7 БИШ 5 ЖИЛЭЭР ТООЦОЖ ТОГТОО” гэсэн уриа лоозон бүхий жагсаалыг ахмадуудтай хамт өрнүүллээ. Тэрбээр “Энэ асуудлыг гурван жил ярилаа. Чуулганы индрээс 61 удаа үг хэлсэн. Эрх баригчид хэлвэл, шаардвал л хууль өөрчилж байна. Удахгүй хэлэлцэх “нийгмийн даатгалын багц хуулийн төсөлд энэ заалт орсон”. Одоо л ахмадуудтайгаа хамт тэмцэж энэ заалтыг өөрчлөхгүй бол өчнөөн хүн хохирсон. Монголын төр ахмадуудаа ингэж хохироож болохгүй” хэмээлээ. Иргэд, ахмадууд ч бас уг хуулийг дэмжиж буйгаа илэрхийлж жагсаалд идэвхтэй оролцлоо.