УИХ-ын гишүүн, МАХН-ын дэд дарга С.Ганбаатар МАХН-аас гарах хүсэлт гаргаж, энэ тухайгаа намын удирдлагуудад танилцууллаа. 

Тэрбээр "Би 2017 оны тавдугаар сарын 16-нд МАХН-д элсэж байсан. Харин өнөөдөр Үндсэн хууль болон Улс төрийн намын тухай хуульд заасны дагуу МАХН-ын гишүүнчлэлээс гарч буйгаа албан ёсоор мэдэгдэж, намын батлахаа гардуулан өгч байна. Эрх баригчидтай хамтран тэмцэж, бие биедээ хань болж явсан МАХН-ын журмын нөхөд, удирдлага, хамт олондоо сайн сайхныг хүсье.

"Эрдэнэт" үйлдвэр, Оюутолгой, Тавантолгойд сандайлан сууж, Монголын баялгийг идэж байгаа МАН-тай би нийлэх боломжгүй. Тийм учраас аргагүйн эрхэнд ийм сонголт хийж байна. Цаашид УИХ-д эрдэнэтчүүдийнхээ дуу хоолой, байр суурийг уламжлан ажиллана. Эрдэнэтчүүд намайг эрх баригчдын хулгайг зогсоогоорой гэж УИХ-д сонгосон” гэлээ.