МАН-ын 30 дахь Их хурал "Улаанбаатар палас"-т хоёр өдөр болж өндөрлөсөн бол өнөөдөр Бага хурал нь Тусгаар тогтнолын ордонд болж байна. 

Хуралдаанаар  МАН-ын дарга, Монгол Улсын Ерөнхий сайд Л.Оюун-Эрдэнийн зүгээс Д.Амарбаясгаланг Ерөнхий нарийн бичгийн даргад дахин нэр дэвшүүлжээ.  Улмаар Бага хурлын гишүүдийн 100 хувийн саналаар Д.Амарбаясгаланг МАН-ын Ерөнхий нарийн бичгийн даргаар дөрөв дэх удаагаа сонгосон байна. МАН-ын 30 дахь Их хурлын дараа Бага хурлын гишүүдээ сонгосон бөгөөд өнөөдөр ийнхүү анхдугаар хуралдаанаа хийж байгаа нь энэ юм.