УИХ-ын чуулганы өнөөдрийн хуралдаанаар  Монгол улсын Засгийн газраас өргөн мэдүүлсэн төсвийн тодотголын хууль болон дагалдах хуулиудын эцсийн хэлэлцүүлгийг хийлээ. Энэ үеэр "Төсвийн хэмнэлтийн тухай хууль"-н хэлэлцүүлгийн үеэр Ерөнхий сайд Л.Оюун-Эрдэнэ "Энэ хуулийг Засгийн газрын саналаар дэмжих зайлшгүй шаардлагатай гэж үзээд УИХ-руу оруулсан. Өөрчлөлт өвдөлт өгнө. Мэдээж заримд нь хэцүү байгаа!! Агентлагийн дэд дарга нар, төрийн өмчит компанийн орлогч дарга нар УИХ-ын гишүүдэд ханддагаа болиорой.  Ерөнхий сайдын хувьд энэ саналаас ухрахгүй.  Машин дээр ч гэсэн адил. Тэр машинтай байна, би жолоочтой, жолоочгүй гэсэн хандлагаа өөрчилмөөр байна. Тэгш зарчмын дагуу реформоо хийх нь зүйтэй. Үнэхээр болохгүй байвал цаашид хуульд нэмэлт өөрчлөлт оруулж болно" гэлээ.