Засгийн газар өнөөдрийн хуралдаанаар зарим томилгооны асуудлыг хэлэлцэн шийдвэрлэсэн. УИХ-ын гишүүн асан Ц.Нямдоржийг гадаад улсад Элчин сайдаар томилох гэж байгаа эсэх талаар сэтгүүлчид өнөөдөр тодруулав.  Засгийн Газрын Хэрэг Эрхлэх Газар(ЗГХЭГ)-ын дарга Д.Амарбаясгалан "Ц.Нямдорж гуайн талаар одоогоор тийм яригдсан зүйл байхгүй. Хууль зүйн сайдын саналаар ШШГЕГ-ын дарга Д.Загджавыг чөлөөлж, О.Амарсанааг томилсон. Б.Батцэцэг сайдын саналаар Б.Мөнхжинг чөлөөлж, Г.Амартүвшинг томилсон" хэмээн хариуллаа