Тодруулбал, цагдаагийн байгууллагад өнгөрсөн Даваа гарагт буюу арванхоёрдугаар сарын 19-ний 18:15 цагт Сүхбаатар дүүргийн 8 дугаар хорооны нутаг дэвсгэрт байрлах банканд "Манай ажилтан кассаас 100 мянган ам.доллар хулгайлаад явсан байна” гэх дуудлага, мэдээлэл бүртгэгдсэн байна.

Энэ дагуу тус дүүргийн цагдаагийн газрын 1 дүгээр хэлтсээс шалгахад тус банканд ажилтай 27 настай, эрэгтэй “З” гэгч нь энэ оны аравдугаар сарын 28-наас арванхоёрдугаар сарын 6-ны хооронд хуурамч гүйлгээгээр нийт 360 сая төгрөгийг завшсан байж болзошгүй нөхцөл байдал тогтоогджээ.

Уг хэрэгт одоогоор мөрдөн шалгах ажиллагаа явуулж байгаа тухай албаны эх сурвалж мэдээллээ.