Хуулийн төсөлд эрдэмтэн судлаач, их дээд сургуулийн багш нар, Төрийн бус байгууллага, олон улсын байгууллагын гэх мэт нийгмийн олон төлөөллийн саналыг тусгахаар ажиллаж байна.

Энэ сарын 19-нд Гэр бүл, хөдөлмөр, нийгмийн хамгааллын салбарын анхан шатны нэгжийн удирдах албан тушаалтан, мэргэжилтнүүдийг оролцуулж, хуулийн төслийг хэлэлцүүлсэн.

03-р сарын 20-нд олон улсын болон төрийн бус байгууллагын төлөөлөл оролцож, хуулийн төсөлд санал өгсөн.

Өнөөдөр /03-р сарын 25/ болсон Гэр бүлийг дэмжих тухай анхдагч хуулийн төслийн хэлэлцүүлэгт Хүүхэд, гэр бүлийн хөгжил, хамгааллын ерөнхий газрын дарга Б.Баярсайхан болон багш, эрдэмтэн судлаач нарын төлөөлөл оролцлоо.

Хуулийн төсөл батлагдсанаар гэр бүлийн тогтвортой байдлыг дэмжих, ялангуяа бага насны хүүхэдтэй мөн олон ам бүлтэй гэр бүлийн амьдралын чанарыг сайжруулах, Монгол Улсын хүн амын тогтвортой өсөлт хангагдах, гэр бүлд ээлтэй орчин нөхцөл бүрдэнэ гэж үзэж байна