Нийгмийн даатгалын үндэсний зөвлөлийн даатгуулагчийг төлөөлсөн гишүүнийг томилохтой холбогдуулан Улсын Их Хурлын Нийгмийн бодлогын байнгын хорооноос 2025 оны 7 дугаар сарын 01-ний өдрийн 10.00 цагт Төрийн ордны “Их Эзэн Чингис хаан” танхимд нэр дэвшигчийн сонсгол зохион байгуулна. Тус сонсголд оролцох иргэн, хуулийн этгээд, хэвлэл мэдээллийн байгууллагуудын төлөөлөл холбогдох журмын дагуу бүртгүүлэх юм байна.

Бүртгэл: 2025 оны 6 дугаар сарын 27-ны өдрийн 17:30 цаг хүртэл явагдах тул нэр дэвшигчийн сонсголд оролцох иргэн, хуулийн этгээд, ажиглагч овог, нэр, холбогдох утасны дугаар, нэр дэвшигчдээс асуух асуулт, нэр дэвшигчийн талаарх саналыг бүртгэлийн хуудасны дагуу бөглөж илгээн бүртгүүлнэ үү.

Хэвлэл мэдээллийн байгууллага сонсголд оролцох хүсэлтээ 6 дугаар сарын 30-ны өдрийн 14:00 цаг хүртэл цахимаар эсвэл шуудангаар бүртгүүлнэ үү.

Оролцогчдын талаарх мэдээлэл: Оролцогчдын тоо хязгаартай тул хүсэлт ирүүлсэн дарааллаар баталгаажуулах бөгөөд бүртгэл дуусмагц нэрсийг Улсын Их Хурлын цахим хуудаст байршуулна.

Нэр дэвшигчдийн мэдээлэл: Нийгмийн даатгалын үндэсний зөвлөлийн гишүүнд нэр дэвшигч Г.Адьяагийн мэдээлэлтэй танилцана уу.

Шуудангийн хаяг: 14201 Улаанбаатар хот, Сүхбаатар дүүрэг, Жанжин Д.Сүхбаатарын талбай 1, Төрийн ордон-312, Нийгмийн бодлогын байнгын хороо. /Лавлах утас: 51-261029/

Цахим шуудангийн хаяг: tsogzolbayarb@parliament.mn

Жич: “Монгол Улсын Төрийн ордны хамгаалалт, үйлчилгээний журам”-д заасны дагуу оролцох хүмүүсийн иргэний үнэмлэхийг үндэслэн албаны болон үндэсний хувцастай Төрийн ордонд нэвтрүүлнэ.