Нийгмийн даатгалын сан ХУЛГАЙД ИДЭГДСЭН, банкны барьцаанд орсон гэх зэргээр үйсрээд алга болчихдог. УИХ-ын гишүүд ч тэр мөнгийг гэнэт санаж “НИРГЭСЭН ХОЙНО НЬ ХАШГИРНА” гэгчээр, пүү паа, хүүе хаая болж, нийгмийн анхаарлын төвд оруулдаг ч тэгэсгээд улстөр хийгээд өнгөрүүлдэг.

Тэр мөнгө хулгайд алддагдсан бус харин САЙД, дарга нарын ЦАЛИН УРАМШУУЛАЛД ороод дуусдаг бололтой нэгэн баримтыг хүргэж байна.

БАРИМТ: Нийгмийн даатгалын үндэсний зөвлөл гэх байгууллагын ажлын албаны дарга Г.БАНЗРАГЧ гэх эрхмийн 2025 оны 05 дугаар сарын 23-ний өдрийн А/07 тоот тушаалаар нийгмийн даатгалын үндэсний зөвлөлийн гишүүдэд олгох урамшууллыг нэгдүгээр хавсралтаар, орон тооны бус мэргэжлийн гишүүдэд олгох урамшууллыг хоёрдугаар, орон тооны бус олон нийтийн хяналтын зөвлөлийн гишүүдэд олгох урамшууллыг гурамдугаар хавсралтаар тус тус баталсугай гэжээ.

Тушаалд дурдсан НДҮЗ-ийн гишүүд дотор Гэр бүл, хөдөлмөр, нийгмийн хамгааллын сайд асан Л.Энх-Амгалан, Сангийн сайд Б.Жавхлан, Хууль зүй, дотоод хэргийн сайд асан О.Алтангэрэл нарт 2025 оны 05 дугаар сарын 23-нд хөдөлмөрийн хөлсний доод хэмжээг 660 мянгаар тооцон гурван сарын буюу нэг улирлын 1,980 мянган төгрөг олгосон бол, 2025 оны 06 сарын 17-нд тушаал гаргаж тус бүрийнх нь цалинг 790 мянгаар тооцож 2 сая 370 мянган төгрөгийг олгожээ...